«shavkat mirziyoyev» tegli maqolalar
Shavkat Mirziyoyev Dushanbeda SHHT sammitida ishtirok etadi
Prezident Shavkat Mirziyoyev 16−17 sentabr kunlari Dushanbeda bo‘lib o‘tadigan SHHT sammitida ishtirok etadi hamda Tojikiston, Rossiya, Pokiston, Eron rahbarlari bilan uchrashadi. Yig‘ilish yakunida SHHTga raislik Tojikistondan O‘zbekistonga o‘tadi.
1 oktabrdan barcha hududlarda 14 ta IT-texnikum faoliyati yo‘lga qo‘yiladi — prezident
Shavkat Mirziyoyev 2 mingdan ortiq maktabning birorta o‘quvchisi «Bir million dasturchi» loyihasida ishtirok etmaganini tanqid qildi. Shuningdek, 1 oktabrdan boshlab barcha hududlarda 14 ta IT-texnikum faoliyati yo‘lga qo‘yilishi belgilandi.
Afg‘onistonda tinchlik va osoyishtalikni ta’minlashga qo‘limizdan kelgan yordamni ayamaymiz — prezident
Shavkat Mirziyoyev O‘zLiDePning saylovoldi s’ezdida «Afg‘oniston zaminida tinchlik va osoyishtalikni ta’minlashga, qo‘limizdan kelgan barcha yordamni ayamaslik» ni ta’kidladi. Prezident shuningdek, «Jahon savdo tashkilotiga a’zo bo‘lish va YeOII bilan integratsiya jarayonlarini chuqurlashtirish bo‘yicha qadamlar qo‘yilishini» ma’lum qildi.
Shavkat Mirziyoyev O‘zLiDeP partiyasidan prezidentlikka nomzod sifatida tasdiqlandi
O‘zLiDePning navbatdagi s’ezdida partiyadan prezidentlikka nomzod sifatida Shavkat Mirziyoyev tasdiqlandi. Nomzod oldingi prezident saylovida ilgari surilgan dasturdagi vazifalar ijrosiga to‘xtalib, o‘zining 2021 yil saylovoldi dasturi haqida ma’lumot berdi.
«Saylash va tanlash huquqi — sizning qo‘lingizda» — Shavkat Mirziyoyev
Prezidentlik saylovlaridagi O‘zLiDeP nomzodi Shavkat Mirziyoyev o‘zbekistonliklarni oktabrdagi saylovlarda faol ishtirok etishga chorladi. «Hech qachon unutmang, saylash va tanlash huquqi — Sizning qo‘lingizda. Kelajak uchun mas’uliyat esa barchamizning zimmamizda», — dedi u.
Shavkat Mirziyoyev: Bugungi xalqimiz — kechagi xalq emas
Shavkat Mirziyoyev o‘zining saylovoldi dasturi haqida gapira turib, o‘tgan yillar davomida nafaqat o‘zbek xalqi balki mamlakat ham tubdan o‘zgarganini ta’kidladi. «Bugungi xalqimiz — kechagi xalq emas. Bugungi O‘zbekiston ham, kechagi O‘zbekiston emas», — dedi u. Amalga oshirilayotgan ishlar vaqtida prezident o‘z xalqidan kuch olishini ma’lum qilib, ular oldida ta’zim qildi.
«Qishloqlardagi maktablar ahvoli qanday ekanini bilaman». Shavkat Mirziyoyev ta’limda amalga oshiriladigan islohotlar haqida
Shavkat Mirziyoyev o‘zining saylovoldi dasturi doirasida kelgusi besh yilda amalga oshiriladigan ishlarga to‘xtalib o‘tdi. Jumladan, 7 mingdan ziyod yangi bog‘cha qurish orqali maktabgacha ta’limdagi qamrovni 80 foizga yetkazish, maktablarni rivojlantirish davlat dasturini ishlab chiqish, 1,2 mln o‘quvchi o‘rnini yaratish, qolaversa, oliy ta’lim qamrovini 50 foizga, xususiy oliygohlar sonini esa 50 taga yetkazish, 100 ming o‘rinli talabalar yotoqxonalarini barpo etish rejalari ma’lum qilindi.
Toshkent — Urganch yo‘nalishi bo‘yicha tezyurar poyezdlar qatnovi yo‘lga qo‘yiladi
Shavkat Mirziyoyev o‘zining saylovoldi dasturi doirasida temir yo‘llarini elektrlashtirish darajasi amaldagi 40 foizdan 60 foizga oshirilishini ta’kidladi. Toshkent — Urganch yo‘nalishi bo‘yicha tezyurar poyezdlar qatnovi yo‘lga qo‘yilishi ma’lum qilindi.
Kelgusi 5 yilda har bir xonadon yuqori tezlikdagi internetga ulanadi — prezident
Shavkat Mirziyoyev o‘zining saylovoldi dasturida kelgusi 5 yilda sanoat mahsulotlari hajmi 1,4 barobar, mehnat unumdorligi esa kamida 2 marta oshirilishini aytib o‘tdi. Xalqaro magistral internet tezligi 5 barobarga, tumanlararo tarmoqlar tezligi 8 barobarga oshirilishi qayd etildi.
2030 yilga borib aholi jon boshiga daromad 4 ming dollardan oshiriladi — Shavkat Mirziyoyev
Shavkat Mirziyoyev kelgusi besh yilda aholi jon boshiga yalpi ichki mahsulotni 1,6 barobar oshirish vazifasi oldinda turganligini ta’kidladi. Shuningdek, prezident 2023 yil oxirigacha inflyatsiya darajasi 5 foizga tushirilishini aytib o‘tdi.
Shavkat Mirziyoyev prezidentlik davrida erishilgan yutuqlar haqida ma’lumot berdi
O‘zLiDePning 10-s’ezdida partiya nomzodi, Shavkat Mirziyoyev prezidentlik davrida amalga oshirilgan islohotlar, erishilgan yutuqlar haqida ma’lumot berdi. Jumladan, 300 ga yaqin qonun, 4 mingdan ziyod prezident farmoni va qarori qabul qilingani aytildi. «Har qanday islohot quruq raqamlarda emas, balki, eng avvalo, aholining kundalik hayotida, uning dasturxoni va ro‘zg‘orida o‘z aksini topishi zarur», — dedi u.
2026 yilga borib O‘zbekiston aholisi 38 mln dan oshishi kutilmoqda — prezident
Shavkat Mirziyoyev 2026 yilga borib O‘zbekiston aholisi soni 38 mln dan oshishi kutilayotganini ma’lum qildi. Prezident bunday demografik o‘sish mamlakat uchun ham imkoniyat, ham juda katta mas’uliyat ekanligini ta’kidladi.
Shavkat Mirziyoyevning «Yangi O‘zbekiston Strategiyasi» nomli kitobi chop etildi
Prezident Shavkat Mirziyoyevning «Yangi O‘zbekiston Strategiyasi» nomli kitobi chop etildi. Unda Yangi O‘zbekiston va Uchinchi Renessansni qurish bo‘yicha qilinayotgan ishlar va milliy taraqqiyot istiqbollari haqida fikr yuritiladi.
«Islom Karimovning sodiq shogirdi va siyosiy farzandi». Shavkat Mirziyoyevga prezidentlik yuklatilgan majlisdan 5 yil o‘tdi
2016 yil 8 sentabr kuni O‘zbekiston parlamenti palatalarining qo‘shma majlisida mamlakatning o‘sha vaqtdagi bosh vaziri Shavkat Mirziyoyevga O‘zbekiston prezidenti vazifa va vakolatlari vaqtincha yuklatildi. Majlisda o‘sha vaqtdagi Senat raisi Nig‘matilla Yo‘ldoshev rahbarlik lavozimlarida yetarli tajribaga ega emasligi sababli prezidentlikni bajarishni unga yuklamasliklarini so‘ragan edi. Sobiq moliya vaziri esa Shavkat Mirziyoyevni Islom Karimovning «sodiq shogirdi va siyosiy farzandi» deya ta’riflagan edi.
«Shavkat Mirziyoyev juda to‘g‘ri qarorlar qabul qilyapti, ijro esa ta’minlanmayapti» — Maqsuda Vorisova
Prezidentlik saylovlariga XDPdan nomzod Maqsuda Vorisova amaldagi prezident Shavkat Mirziyoyev «juda katta inqilobiy o‘zgarishlarni amalga oshirganini» ta’kidladi. U asosan prezident qabul qilgan «juda to‘g‘ri qarorlarning» ijrosi ta’minlanmasligini tanqid qilishini qayd etdi. «Asosiy e’tirozimiz ijro organlariga», — dedi u.
Prezident farmatsevtika tarmog‘idagi loyihalar taqdimoti bilan tanishdi
Prezident Shavkat Mirziyoyev farmatsevtika tarmog‘ida amalga oshirilgan ishlar bilan tanishdi. Taqdimotda 1,25 mlrd dollarlik 104 ta investitsiya loyihasi rejalashtirilgani haqida ma’lumot berildi. Shuningdek, taqdimotda mahalliy dorivor o‘simliklarni yetishtirish va qayta ishlash masalalariga ham alohida e’tibor qaratildi.
Shavkat Mirziyoyev 9 sentyabr kuni O‘zLiDeP qurultoyida ishtirok etadi
Prezident Shavkat Mirziyoyev 9 sentyabr kuni O‘zbekiston liberal-demokratik partiyasi qurultoyida ishtirok etadi. Shuningdek, davlat rahbari Paralimpiya o‘yinlari sovrindorlari bilan uchrashishi ham mo‘ljallanmoqda.
Shavkat Mirziyoyev Islom Karimov haykali poyiga gulchambar qo‘ydi
Shavkat Mirziyoyev, Tatyana Karimova, prezident Administratsiyasi va Vazirlar Mahkamasi vakillari, parlament a’zolari va davlat organlari rahbarlari birinchi prezident Islom Karimovni xotirlashdi. Davlat rahbari birinchi prezident haykali poyiga gulchambar qo‘ydi.
«Afg‘onistonda siyosiy barqarorlikni o‘rnatish — mintaqaviy xavfsizlikning ishonchli omilidir» — prezident
Shavkat Mirziyoyev Islom taraqqiyot banki Boshqaruvchilar kengashi yig‘ilishida Markaziy Osiyo davlatlari o‘rtasida savdo aloqalarini kengaytirish haqida gapirar ekan, Afg‘oniston ham mintaqaning ajralmas qismi ekanligiga urg‘u berdi. «Afg‘onistonda siyosiy barqarorlikni o‘rnatish — mintaqaviy xavfsizlikning ishonchli omilidir», — dedi prezident.
3 ming yillik tarix aks etgan Mustaqillik bayramidan fotoreportaj
Bu yilgi Mustaqillik bayrami «Yangi O‘zbekiston» bog‘ining amfiteatrida o‘tkazildi. Unda nutq so‘zlagan Shavkat Mirziyoyev birinchi prezident Islom Karimov amalga oshirgan ulkan ishlarni esga oldi. Qolaversa, oktabrdagi prezident saylovi va Afg‘oniston voqealari haqida ham fikr bildirdi. O‘zbekistonning 3 ming yillik tarixini aks ettirgan Mustaqillik bayrami «Gazeta.uz» fotoreportajida.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
- 23-sentabrdan ipoteka kreditlari bo‘yicha subsidiyalar uchun arizalar qabul qilish boshlanadi
Qo‘shimcha imkoniyatlarga ega bulish uchun saytda ro‘yxatdan o‘ting